काठमाडौं। शुक्रबार थप २ हजार २० जनामा कोरोना पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर गरी कुल २ हजार २० जनामा कोरोना पुष्टि भएसँगै कोरोना संक्रमित हुनेको संख्या ६१ हजार ५९३ जना पुगेको छ ।
मन्त्रालयका अनुसार हालसम्म ४३ हजार ८२० जना निको भएर घर फर्किसकेका छन् । विगत २४ घण्टामा मात्रै ८७१ जना कोरोना जितेर घर फर्किएका छन् । हाल १७ हजार ३८३ जना उपचाररत छन् ।
यस्तै पछिल्लो २४ घण्टामा कोरोनाका कारण थप ७ जनाको मृत्यु भएको छ । यससँगै मृतकको संख्या ३ सय ९० पुगेको छ ।
