बुटवल। बुटवलकाे मिलनचाेकबाट कांग्रेसका युवानेताहरुलाइ प्रहरीले पक्राउ गरेकाे छ । मुख्यमन्त्री शकर पाेखरेलकाे स्कटीङका बेला गाडीमा ढुंगा प्रहार भएकाे भन्दै उनीहरुलाइ बुटवल प्रहरीले पक्राउ गरेकाे हाे ।
पक्राउ पर्नेमा युवानेताहरु बिष्णु पाेखरेल,मुक्तीराज पाैडेल,छाया पाेखरेल लगायत रहेका छन् । बुटवलबाट प्रदेश ५ काे राजधानी दाङ देउखुरी सार्ने प्रस्तावसंगै चारदिनदेखि आन्दाेलन चलिरहेकाे छ ।
कडा सुरक्षाकाबीच बुटवल फर्किएका मुख्यमन्त्री पोखरेल सवार गाडीलाई लक्षित गरी आन्दोलनकारीले ढुंगा प्रहार गरेकाे प्रहरीकाे आराेप छ । आन्दोलनकारीले प्रहार गरेको ढुंगाले मुख्यमन्त्रीको स्टटिङमा रहेका प्रहरीका दुइ गाडीमा क्षति पुगेको छ । प्रहरीको गाडीको शिशा फुटेको प्रहरीले जनाएको छ ।
यसअघि रुपन्देहीकाे मणिग्राममा पनि आन्दाेलनकारीले बाटैमा टायर बालेर मुख्यमन्त्रीकाे बिराेध समेत गरेकाे नेविसंघका एक नेताले बताए ।
