रौतहट । गौर–चन्द्रपुर सडकखण्ड अन्तर्गत इद्रिश गेट नजिक बस र स्कारपियो एक आपसमा ठोक्किँदा दुर्घटना भएको छ।
यमुनामाई गाउँपालिका वडा नम्बर ५ स्थित इद्रिश गेट नजिक बुधबार दिउँसो चन्द्रपुरबाट गौरतर्फ आउँदै गरेको ना.४ ख.५३१८ नम्बरको बस र गौरबाट उत्तरतर्फ गइरहेको प्रदेश २–०३–००१व–६०४१ नम्बरको स्कारपियो एक आपसमा ठोक्किँदा दुर्घटना भएको हो ।
दुर्घटनाबाट कुनै मानवीय क्षति नभएको जिल्ला प्रहरी कार्यालय रौतहटका सहप्रवक्ता प्रहरी निरीक्षक रुद्र कँडेल ले बताए।बस र स्कारपियोमा सवार सबै सकुशल रहेको प्रहरीले जनाएको छ। तर, दुवै सवारीमा क्षति पुगेको छ।
घटनाबारे आवश्यक अनुसन्धान भइरहेको प्रहरीले जनाएको छ।
