नेपाली कांग्रेसको प्रवक्ताको जिम्मेवारी नेता देवराज चालिसेलाई दिइएको छ । नवनिर्वाचित केन्द्रीय कार्यसमितिको पहिलो बैठकबाट चालिसेलाई पार्टीको प्रवक्ता तोकिएको हो ।
कांग्रेसको दोस्रो विशेष महाधिवेशनबाट निर्वाचित केन्द्रीय समितिको बैठक बिहीबार (माघ १) ललितपुरको कुपण्डोलमा बसेको थियो ।
काठमाडौंको भृकुटीमण्डपमा बुधबार (पुस ३०) राति सम्पन्न विशेष महाधिवेशनबाट सभापतिमा गगन थापासहितको केन्द्रीय समिति निर्वाचित भएको छ ।
