नेपाली कांग्रेसका सभापति गगन थापाले आफूले पदबाट राजीनामा दिने बताएका छन् । सोमबार साँझ नयाँ बानेश्वरमा उपसभापति विश्वप्रकाश शर्मासँग भएको छलफलमा सभापति थापाले आफूले पदबाट राजीनामा दिने बताएका हुन् ।
प्रतिनिधिसभा निर्वाचनमा पार्टीले अपेक्षित परिणाम हासिल गर्न नसकेपछि कांग्रेसभित्र आन्तरिक छलफल तीव्र भएका बेला उनले पार्टीको पराजयको नैतिक जिम्मेवारी लिँदै पदबाट राजीनामा दिने तयारी गरेका हुन् । तर, उपसभापति शर्माले भने अहिले राजीनामा नगर्न सुझाव दिएका छन् ।
फागुन २१ गते भएको प्रतिनिधिसभा चुनावमा सभापति थापासहित चुनाव उठेका सबै पदाधिकारी पराजित भएका थिए ।
नयाँ बानेश्वरमा साँझदेखि सुरु भएको दुई शीर्ष नेताबीचको छलफल अहिले पनि जारी छ ।
