प्रतिनिधि सभा बैठकमा सभामुखप्रति सम्मान नदेखाएको भन्दै दुई मन्त्रीको व्यवहारमाथि प्रश्न उठाइएको छ।
आज बसेको प्रतिनिधि सभा बैठकमा सभामुख बैठक कक्षमा प्रवेश गर्दा अर्थमन्त्री स्वर्णिम वाग्ले र पूर्वाधार विकासमन्त्री सुनिल लम्साल आफ्नो आसनमै बसेको थिए । नेकपा एमालेका सांसद ऐन महरले यसप्रति आपत्ति जनाए।
प्रतिनिधि सभा नियमावली, २०८३ अनुसार सभामुख बैठक कक्षमा प्रवेश गर्दा सबै सदस्यले उठेर सम्मान गर्नुपर्ने व्यवस्था छ। महरले सदनको गरिमा र मर्यादा कायम राख्न सबै सांसद तथा मन्त्री जिम्मेवार बन्नुपर्ने बताए।
उनले उक्त घटनाले संसदीय मर्यादामाथि प्रश्न उठाएको भन्दै नियमको पालना गर्न सबैको ध्यानाकर्षण गराए।
