चीनको वुहानबाट सुरु भएको कोरोना भाइरसको संक्रमण विश्वका २१० देशमा फैलिएको छ। कोरोना भाइरसको संक्रमणबाट पछिल्लो २४ घण्टामा मात्रै ६ हजार ६९ जनाको मृत्यु भएको छ भने ९० हजार ७ सय ३१ जना नयाँ संक्रमित थपिएका छन्।
यो सँगै विश्वभर कोरोनाबाट मृत्यु हुनेको संख्या २ लाख ३ हजार १६६ पुगेको छ भने २९ लाख २० हजार ९०५ जना संक्रमित भएका छन्। कोरोना भाइरसबाट सबैभन्दा बढी प्रभावित अमेरिका बनेको छ।
अमेरिकामा पछिल्लो २४ घण्टामा मात्रै २ हजार ६५ जनाको मृत्यु भएको छ भने ३५ हजार ४ सय १९ जना नयाँ संक्रमित थपिएका छन्। यो सँगै अमेरिकामा कोरोनाबाट मृत्यु हुनेको संख्या ५४ हजार २ सय ५६ पुगेको छ भने ९ लाख ६० हजार ६५१ जना संक्रमित भएका छन्।
