काठमाडौँ । काठमाडौँको गुह्येश्वरीमा एक जना मृत फेला परेका छन्। आइतबार टाउँको सडेको अवस्थामा ती व्यक्तिको शव फेला परेको हो।

टाउँको सडेकोका कारण उनको सनाखत हुन नसकेको महानगरीय प्रहरी परिसर टेकुले जनाएको छ। शवको प्रकृति हेर्दा ती व्यक्तिको झण्डै एक साता अघि मृत्यु भएको हुनसक्ने प्रहरीले अनुमान गरेको छ।

शवलाई आइतबार नै पोष्टमार्टमका लागि त्रिभुवन विश्वविद्यालय शिक्षण अस्पताल पठाइएको छ। प्रहरी परिसर र अपराध महाशाखाको टोलीले सीसीटीभी फुटेज र आसपासका हराएका व्यक्तिको खोजीका आधारमा ती व्यक्तिको पहिचान गर्ने प्रयास गरिरहेको जनाएको छ।