विदेशबाट फर्किन चाहने नेपालीलाई कसरी स्वदेश फर्काउने भन्नेबारे सरकार तयारीमा जुटेको छ।
एक मन्त्रीका अनुसार, आइतबार बसेको मन्त्रिपरिषद् बैठकमा प्रधानमन्त्री केपी शर्मा ओलीले विदेशबाट कसरी फर्काउने भन्नेबारे थप छलफल गरेर निर्णय लिने बताएका थिए।
‘विदेशमा रहेका नेपालीलाई प्याकेजमा फर्काउने गरी निर्णय हुन्छ भनेर प्रधानमन्त्रीले भन्नुभएको छ,’ एक मन्त्रीले भने, ‘सम्भवत: प्रधानमन्त्रीले भोली या बुधबार सम्बोधन गर्नुहुन्छ। त्यही सम्बोधनमा यसबारे भएका निर्णयहरू जानकारी गराउनुहुन्छ।’
यसअघि उच्चस्तरीय समन्वय समितिको बैठकले भारत लगायत तेश्रो मुलुकमा रहेका नेपालीलाई फर्काउने प्रस्ताव गरेको थियो। समितिले कुनै मोडालिटी बनाएर प्याकेजमा फर्काउनुपर्ने प्रस्ताव मन्त्रिपरिषदमा राखेको थियो।
