नागढुङ्गा–नौविसे सुरुङमार्गको रेस्क्यू टनेल सुरुङको ‘ब्रेक थ्रु’ भएको छ । सोमबार धादिङ र काठमाडौँ दुवैतर्फबाट उक्त सुरुङको ‘ब्रेक थ्रु’ गरिएको हो ।
विसं २०७६ कात्तिक ४ गते सुरुङको शिलान्यास भएको थियो । ‘रेस्क्यू टनेल’ को सोमबार खनिसकिने भएको छ । कुल दूरी २.५५७ किलोमिटर यो सुरुङकाे आपतकालीन सुरुङ खन्ने काम सकिएको र फिनिसिङको काम गरिने सडक विभागले जनाएकाे छ ।
साढे दुई किलोमिटर लम्बाइ रहेको नागढुङ्गा–नौविसे सुरुङ मार्गको ‘रेस्क्यू टनेल’ सँगै मुख्य सुरुङको काम पनि अब १८ प्रतिशतमात्र बाँकी रहेको छ । दुई दशमलव छ किमी लम्बाइ रहेको मुख्य सुरुङको पाँच सय छ मिटर बाँकी रहेको आयोजनाले जनाएको छ ।
