गोलबजार घटनाको छानबिन गर्न मधेश प्रदेश प्रहरीले तीन सदस्यीय छानबिन समिति गठन गरेको छ ।
प्रहरीले सिरहाको गोलबजारमा दुई समुदायबीच भएको झडप तथा गोली चलेको घटनाको अध्ययन र छानबिनका लागि उक्त समिति गठन गरेको हो ।
प्रहरी स्रोतका अनुसार प्रहरी उपरीक्षक (एसपी) भेषराज रिजालको नेतृत्वमा उक्त समिति गठन गरिएको हो । समितिका अन्य सदस्यमा इन्सपेक्टर यज्ञराज भट्ट र असई गोविन्द झा रहेका छन् ।
समितिले घटनास्थलको स्थलगत अध्ययन, सम्बन्धित पक्षसँग छलफल तथा आवश्यक प्रमाण संकलन गरी प्रतिवेदन बुझाउने बताइएको छ ।
