तमिलनाडु विधानसभामा सोमबार पूर्वमुख्यमन्त्री एम. करुणानिधिको नाम लिएको विषयलाई लिएर चर्को हंगामा भएको छ।
विवाद बढ्दै गएपछि मुख्यमन्त्री सी. जोसेफ विजयले मन्त्रीका तर्फबाट माफी माग्दै सदनमा पूर्वमुख्यमन्त्रीको नाम त्यसरी लिनु उचित नभएको बताएका छन्।
मुख्यमन्त्री जोसेफ विजय नेतृत्वको सरकारका वनमन्त्री रञ्जित कुमारले सदनलाई सम्बोधन गरिरहेका बेला पूर्वमुख्यमन्त्री एम. करुणानिधिको नाम लिएका थिए। त्यसपछि डीएमकेका सदस्यहरूले कडा आपत्ति जनाउँदै विरोध सुरु गरेका थिए।
डीएमकेले करुणानिधिको नाम लिँदा त्यसअघि सम्मानजनक शब्द प्रयोग गर्नुपर्ने भन्दै आपत्ति जनाएको थियो।
विरोधपछि विधानसभा अध्यक्षले मन्त्रीको विवादास्पद टिप्पणी सदनको कार्यवाहीको अभिलेखबाट हटाउन निर्देशन दिएका छन्। अध्यक्षले उक्त भनाइ विधानसभा कार्यवाहीमा अभिलेखित नहुने स्पष्ट पारे।
विवाद चर्किएपछि मुख्यमन्त्री जोसेफ विजयले मन्त्रीका तर्फबाट माफी माग्दै भने, ‘मन्त्रीले यसरी तपाईंका नेताको नाम लिनु गलत थियो। त्यसका लागि म माफी माग्छु।’
