काठमाडौं। कविवर माधवप्रसाद घिमिरेको पार्थिक शरिरलाई राष्ट्रिय सम्मानसाथ पशुपति आर्यघाटमा अन्त्येष्टि गरिने भएको छ।
उनको शवमा रक्षामन्त्री ईश्वर पोखरेलले राष्ट्रिय झन्डा पहिराउने कार्यक्रम छ। सेनाका अनुसार रक्षामन्त्री पोखरेल साढे ९ बजे घिमिरे निवास जाँदैछन्।
त्यसपछि घिमिरेको शवलाई स्कर्टिङ गरेर नेपाली सेनाले पशुपति आर्यघाट पुर्याउने छ।
सैनिक प्रवक्ता सहायक रथी सन्तोषवल्लभ पौडेलका अनुसार घिमिरेको अन्तिम श्रद्धाञ्जलीमा नेपाली सेना र सशस्त्र प्रहरीको एक-एक टुकुडीले सलामी अर्पण गर्ने छ।
सेनाले कविवर घिमिरेलाई मानार्थ सहायक रथीको उपाधि दिएको थियो। कविवर घिमिरेको १०१ वर्षको उमेरमा मंगलबार साँझ निधन भएको थियो।
