भारतमा केही दिनयता कोरोना भाइरस (कोभिड १९) को संक्रमण बढ्दै गएको छ। पछिल्लो २४ घण्टामा भारतमा अहिलेसम्मकै बढी कोरोना संक्रमिण फेला परेका छन्।
भारतमा पछिल्लो २४ घण्टामा मात्रै ५ हजार ५० जना नयाँ संक्रमित थपिएका छन् भने १ सय ५४ जनाको मृत्यु भएको छ। यो सँगै भारतमा कोरोनाबाट मृत्यु हुनेको संख्या ३ हजार २५ पुगेको छ भने ९५ हजार ६ सय ९८ जना संक्रमित बनेका छन्।
जसमध्ये ३६ हजार ७ सय ९५ जनाको उपचार सफल भएको छ भने ५५ हजार ८ सय ७८ जनाको उपचार भइरहेको छ।
चीनको वुहानबाट सुरु भएको कोरोना भाइरसको संक्रमण विश्वका २१३ देशमा फैलिएको छ। कोरोना संक्रमणबाट विश्वभर ३ लाख १६ हजार ६ सय ७१ जनाको मृत्यु भएको छ भने ४८ लाख १ हजार ८ सय ७५ जना संक्रमित भएका छन्।
