लन्डन । बेलायतभरका विद्यालयमा विद्यार्थीहरूलाई अब बजेट कसरी बनाइन्छ अनि मोर्टगेजले कसरी काम गर्छ भनेर सिकाइने भएको छ । सरकारले राष्ट्रिय पाठ्यक्रमलाई आधुनिकीकरण गर्न खोजिरहेकै समयमा बालबालिकालाई यस्ता कुराबारे पढाइने भएको हो ।
अब बालबालिकाहरूलाई बजेट कसरी बनाउने र धितोले कसरी काम गर्छ भनेर सिकाइनेछ । पाठ्यक्रममा झुटा समाचार र गलत जानकारी कसरी चिन्ने भनेर पनि सिकाइनेछ । यो बेलायतको विद्यालय पाठ्यक्रममा हुन लागेको एक दशकयताकै पहिलो समीक्षा हो ।
सरकारले पाठ्यक्रमलाई पुनर्जीवित गर्न चाहेको तर अङ्ग्रेजी, गणित र पठन जस्ता आधारभूत कुराहरूमा पनि बलियो जग राख्न चाहेको शिक्षा मन्त्री ब्रिगेट फिलिप्सनले बताए ।
समीक्षाका सिफारिसहरू समझदार भएको तर यसका लागि पर्याप्त रकम र शिक्षकहरू चाहिने प्रधानाध्यापकहरूले बताएका छन् । सरकारले गत वर्ष सबैभन्दा पिछडिएका विद्यार्थी र उनीहरूका सहपाठीबिचको उपलब्धि खाडललाई कम गर्ने अत्याधुनिक पाठ्यक्रम विकास गर्ने आशामा। इङ्गल्यान्डमा राष्ट्रिय पाठ्यक्रम र मूल्याङ्कनको समीक्षा गरेको थियो ।
