अन्तर्जातीय विवाह हुनैलाग्दा रुकुममा २ जनाको ज्यान गएको छ भने ५ जना बेपत्ता भएका छन् । जाजरकोट जिल्लाका दलित जातका युवक नवराज विकले रुकुमकी युवती सुषमा मल्ललाई विवाह गरेर ल्याउन रुकुम गएको अवस्थामा केटीपक्षका मानिसहरुले केटापक्षका मानिसहरुमाथि आक्रमण गर्दा २ जनाको ज्यान जानुका साथै ५ जना बेपत्ता भएका हुन् ।
बिहेका लागि केटी लिन भनी जाजरकोटबाट हिँडेका दुलाहा नवराज विकको हिजो बेलुकी शव फेला परेको छ । त्यसैगरी चौरजहारी नगरपालिका वडा नं. ६ का टीकाराम सुनारको पनि हिजो बेलुकी नै शव भेटिएको छ । केटापक्षकै ५ जना व्यक्तिहरु यो समाचार तयार पार्दासम्म बेपत्ता रहेको बताइएको छ ।
