काठमाडौं । प्रधानमन्त्री केपी शर्मा ओलीका प्रेस सल्लाहकार सूर्य थापाले आफूले कुलमान घिसिङको समर्थकलाई पाखे नभएको स्पष्ट पारेका छन्।
हाल सामाजिक सञ्जालमा एउटा भिडियो क्लिप भाइरल भइरहेको छ। जसमा थापाले कुलमानका समर्थकलाई पाखे भनेको सुन्न सकिन्छ।
मैले "पाखे" भनेकाे भनेर एकथरी दुराशय बाेकेका व्यक्तिहरूले अति गरिरहेकाे पाएँ । एकपाखातिरकाे कुरा गरेर अर्काेपट्टि बेखबर नै हुने असन्तुलित कुरा गर्नेलाई मैले एकपाखे भएकाे स्पष्ट भनेकाे छु । त्यसलाई ताेडमराेड गरी दुष्प्रचार गर्ने परिचालित तत्वहरूकाे भ्रममा नपर्न आग्रह गर्दछु ।
— Surya Thapa (@ThapajiSurya) September 23, 2020
उक्त भिडियो क्लिप भाइरल भएपछि थापाले सामाजिक सञ्जालमार्फत आफूले त्यस्तो नभनेको तर, आफ्नो भनाईलाई इडिट गरिएको आरोप लगाएका छन्।