काठमाडौं । तुइनखोलामा ठुलो पहिरो खसेपछि अवरुद्ध बनेको नारायणगढ–मुग्लिन सडकखण्ड ५४ घण्टापछि सञ्चालनमा आएको छ ।
यही असोज ७ गते मंगलबार करिब साढे ४ बजेदेखि पूर्णरूपमा अवरुद्ध सडक बिहीबार राति साढे १० बजेदेख दुईतर्फी रूपमा नै सुचारु भएको हो ।
पहिरो पन्छाउने काम बुधबार बिहानबाट मात्र थालिएको थियो ।
बिहीबार साँझको समयमा पनि फ्लडलाइट बालेर पहिरो हटाउने कार्य जारी राखिएको थियो ।
१६० मिटर लामो पहिरो पन्छाउन ५ वटा बढी डोजर प्रयोग गरिएको थियो । यो सडकखण्डमा भएको निरन्तरको अवरोधले यात्रुहरू समस्यामा पर्दै आएका छन् ।
सडकमा सवारी साधनहरुको लामो जाम लागेकाले सहज रूपमा यात्रा गर्न भने केही समय लाग्ने छ ।
