विश्वभर कोरोना संक्रमितको संख्या ४८ लाख नाघेको छ। मंगलबार बिहान साढे ८ बजेसम्मको तथ्याक अनुसार विश्वभर ४८ लाख १ हजार ९ सय ४३ पुगेको छ। जोन हप्किन्स विश्वविद्यालयले प्रकाशित गरेको तथ्यांक अनुसार अमेरिकामा सर्वाधिक १५ लाख ८ हजार ३ सय ८ जनामा संक्रमण पुष्टि भएको छ।
त्यस्तै, रुसमा २ लाख ९० हजार ६ सय ७८, ब्राजिलमा २ लाख ५४ हजार २ सय २०, बेलायतमा २ लाख ४७ हजार ७ सय ९, स्पेनमा २ लाख ३१ हजार ६ सय ६, इटालीमा २ लाख २५ हजार ८ सय ८६ जनामा संक्रमण पुष्टि भएको छ।
विश्वभर ३ लाख १८ हजार ४ सय ८१ जनाको कोरोना संक्रमणपछि मृत्यु भइसकेको छ। मृत्यु हुनेको संख्या अमेरिकामा सर्वाधिक ९० हजार ३ सय ९ जना छ।
त्यस्तै, बेलायतमा ३४ हजार ८ सय ७६, इटालीमा ३२ हजार ७, फ्रान्समा २८ हजार २ सय ४२ को मृत्यु भइसकेको छ।
विश्वभर १७ लाख ८६ हजार ८ सय ७५ संक्रमित अहिले संक्रमणमुक्त भएका छ्न्। संक्रमणमुक्त हुनेको संख्या पनि अमेरिकामा नै सर्वाधिक छ। त्यहाँ २ लाख ८३ हजार १ सय ७८, जर्मनीमा १ लाख ५५ हजार ४१, स्पेनमा १ लाख ५० हजार ३ सय ७६ जना अहिले संक्रमणमुक्त भएका छन्।
नेपालमा ३ सय ७५ जनामा संक्रमण पुष्टि भएको छ। सोमबार एकैदिन ८० जनामा संक्रमण पुष्टि भएको थियो।
संक्रमितहरुमध्ये २ जनाको मृत्यु भइसकेको छ भने ३६ जना संक्रमणमुक्त भएका छन्।
