काठमाडौँ । काठमाडौं उपत्यकामा आज १५ सय बढी कोरोना संक्रमित थपिएका छन्।
पछिल्लो २४ घण्टामा काठमाडौं उपत्यकामा थप १ हजार ५ सय १२ कोरोना संक्रमित देखिएको स्वास्थ्य तथा जनसंख्या मन्त्रालयले जनाएको छ।
संक्रमित पुष्टि हुनेमा ६ सय २५ महिला र ८ सय ८७ पुरुष रहेका छन्।
काठमाडौंमा १ हजार २ सय ९०, भक्तपुरमा ७७ र ललितपुरमा १ सय ४१ जना नयाँ संक्रमित थपिएका हुन् ।
पछिल्लो २४ घण्टामा देशभर भने २ हजार ७ सय ५३ जनामा कोरोना संक्रमण पुष्टि भएको मन्त्रालयले जनाएको छ।
देशभरका प्रयोगशालमा १० हजार ४२३ नमुना परीक्षण गर्दा २७५३ मा संक्रमण पुष्टि भएको हो।
