जापानिज मेस्सीको नाममा परिचित कुवो गेटाफेलेमा अनुबन्धित

  • प्रकाशित मिति : 2021-01-09
  • nepaltale.com

एजेन्सी । स्पेनिस क्लब गेटाफेले ला लिगा च्याम्पियन रियल मड्रिडका युवा खेलाडी ताकेफुसा कुबोलाई लोनमा अनुबन्ध गरेको छ ।

जापानी युवा स्टारलाई गेटाफेले रियलबाट यस सिजनको अन्तिमसम्मका लागि लोनमा अनुबन्ध गरेको छ ।



रियलले शुक्रबार कुबो गेटाफेमा अनुबन्धित भएको जनाएको छ ।

यस सिजन कुबोले भिल्ला रियलबाट लोनमा खेलिरहेका थिए । तर, एक सिजनका लागि भिल्लामा अनुबन्धित कुबोलाई रियलले बिचमै गेटाफे पठाएको हो ।

कुबोले यस सिजन भिल्लाबाट १३ लिग खेल खेलका छन् ।
जापानिज मेस्सीको नाममा परिचित १९ वर्षीय कुबोले गत सिजन मालोर्काबाट खेलेका थिए ।

तर, पहिलो सिजन नै मालोर्का रेलिगेसनमा परेको थियो ।
स्पेनिस क्लब बार्सिलोनाको एकेडमीमा हुर्किएका कुबो जापानको शीर्ष डिभिजन क्लब टोकियो एफसीबाट गत सिजन रियल आएका थिए ।

जापानको राष्ट्रिय टोलीमा हालै डेब्यु गरेका कुबो कोपा अमेरिका खेल्ने जापानिज टोलीमा रहेका थिए ।

अट्याकिङ मिडफिल्डर कुबोले जुन ९ मा भएको एल साल्भाडोरविरुद्धको खेलबाट राष्ट्रिय टिममा डेब्यु गरेका थिए ।