ओलीको सभाका लागि पखालियो दरबारमार्गको सडक

  • प्रकाशित मिति : 2021-02-05
  • nepaltale.com

काठमाडौं । नेपाल कम्युनिस्ट पार्टी (नेकपा) ओली समूहले आज (शुक्रबार) काठमाडौंको दरबारमार्गमा आयोजना गर्ने सभाका लागि सडक पखालिएको छ ।

शुक्रबार बिहानैदेखि ट्याङ्करमा पानी ओसारेर दरबारमार्गको सडक पखालिएको हो । पानी हालेर सडक तथा फूटपाथको हिलो र धुलो पखालिएको हो । ओली समूहको बागमती प्रदेश कमिटीले आयोजना गर्ने सभामा ३ लाख सर्वसाधारण सहभागी हुने दाबी गरिएको छ ।



यसअघि ओली समूहको सभाका लागि दरबारमार्गको मुख्य सडकमा राखिएका फलामका डिभाइडरहरु हटाइएको थियो ।

ओलीले सम्बोधन गर्ने सभाको मुख्य मञ्च नारायणहिटी दरबार संग्रहालको अगाडि राखिएको छ ।