काभा पुरुष भलिबल च्यालेन्ज कपमा नेपालले बुधबार अफगानिस्तानसँग खेल्ने भएको छ ।
कोलम्बोमा जारी प्रतियोगिताको तेस्रो दिनको पहिलो खेलको रुपमा नेपालले अफगानिस्तानलाई भिड्न लागेका हो ।
पहिलो खेलमा नेपालले बंगलादेशलाई हराएर प्रतियोगितामा शानदार सूरुआत गरेको थियो । दोस्रो खेलमा मंगलबार नेपाल घरेलु टोली श्रीलंकासँग सोझो सेटमा पराजित भएको थियो ।
मंगलबारनै भएको खेलमा अफगानिस्तानले बंगलादेशलाई हराएको थियो ।
एसियन गेम्समा सहभागी भएर नेपाल फर्किएको टोली काभा च्यालेन्ज कप खेल्ने श्रीलंका गएको हो ।
नेपालको पुरुष भलिबलले काभा च्यालेन्ज कपमा पदक जित्ने लक्ष्य राखेको छ ।
