कक्षा १० (एसईई) पूरक परीक्षाको नतिजा सार्वजनिक भएको छ। राष्ट्रिय परीक्षा बोर्डले शनिबार प्रकाशित गरेको नतिजाअनुसार ८३ हजार ५६४ परीक्षार्थी उत्तीर्ण भएका छन्।
यस वर्ष पूरक परीक्षामा सहभागी १ लाख ४३ हजार २५७ मध्ये ५९ हजार ६९३ जना अनुत्तीर्ण (अवर्गीकृत) भएको बोर्डका अध्यक्ष डा. महाश्रम शर्माले जानकारी दिए।
पूरक परीक्षा साउन २९ गतेदेखि भदौ ६ गतेसम्म सञ्चालन गरिएको थियो। गत वैशाखमा सम्पन्न वार्षिक परीक्षामा दुई विषयसम्म ‘नन ग्रेडेड’ पाएका वा अनुपस्थित भएका विद्यार्थीलाई बोर्डले पूरक परीक्षामा सहभागी हुने अवसर दिएको थियो।
