काठमाडौं । नेपालमा कोरोना भाइरस (कोभिड १९)का १ सय ३९ जना संक्रमित थपिएका छन् ।
पछिल्लो २४ घण्टामा आरटी पीसीआर विधिबाट गरिएको परीक्षणका क्रममा १ सय ३९ जनामा संक्रमण पुष्टि भएको हो ।
यससँगै नेपालमा कोरोना भाइरसका कूल संक्रमितको संख्या १८ हजार ७ सय ५२ पुगेको छ ।
संक्रमितमध्ये पछिल्लो २४ घण्टामा ६ सय २६ जना संक्रमण मुक्त भएर डिस्चार्ज भइ घर गएका छन् । नेपालमा हालसम्म डिस्चार्ज हुनेको संख्या १३ हजार ७ सय ५४ पुगेको छ ।
हाल सक्रिय संक्रमितको संख्या ४ हजार ९ सय ५० रहेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।
