काठमाडौं । नेपालमा थप १४७७ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयले आइतबार देशभरका प्रयोगशालमा गरिएको परीक्षणमा थप १४७७ जनामा संक्रमण पुष्टि भएको जनाएको छ।
यो सँगै नेपालमा कोरोना संक्रमितको संख्या २०९७७६ पुगेको छ।
यस्तै, कोरोना संक्रमणबाट नेपालमा थप ६ जनाको मृत्यु भएको छ।
हालसम्म कोरोना संक्रमणबाट मृत्यु हुनेको संख्या १२२१ पुगेको छ।
आज थप २७९८ जना कोरोना संक्रमित निको भएर घर फर्केका छन्।
हालसम्म कोरोना संक्रमणमुक्त हुनेको संख्या १७३४३० पुगेको मन्त्रालयले जनाएको छ।
