काठमाडौं । नेपालमा थप ८ सय २१ जनामा कोरोना भाइरसको संक्रमण पुष्टि भएको छ । देशभरका विभिन्न प्रयोगशालाहरुमा गत २४ घण्टाको अवधिमा गरिएको परीक्षणका क्रममा थप ८ सय २१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
देशभरका प्रयोगशालामा गरी गत २४ घण्टामा कूल ५ हजार ४ सय २३ जनाको आरटी पीसीआर विधिबाट नमूना परीक्षण गरिएको थियो ।
थप ८ सय २१ जनामा संक्रमण पुष्टि भएसँगै देशभर कूल संक्रमितको संख्या २ लाख ४९ हजार २ सय ४४ पुगेको छ ।
यस्तै, पछिल्लो २४ घण्टामा कोरोना संक्रमणबाट थप १८ जनाको मृत्यु भएको मन्त्रालयले जानकारी दिएको छ । थप १८ सहित नेपालमा हालसम्म १ हजार ७ सय १६ जनाको कोरोना संक्रमणबाट मृत्यु भएको छ ।
कोरोना संक्रमण देखिएकामध्ये हालसम्म २ लाख ३६ हजार ५ सय ७३ जना संक्रमण मुक्त भएका छन् । हाल देशभर १० हजार ९ सय ५५ जना सक्रिय संक्रमित छन् ।
