काठमाडौं। अस्ट्रेलियामा पछिल्लो समय नर्सको चरम अभाव देखिएको छ। नर्सको अभावसँगै स्वास्थ्य क्षेत्रमा जटिलता सिर्जना हुने देखिएपछि यतिबेला भिक्टोरिया राज्यले १० हजारभन्दा बढी विद्यार्थीलाई निःशुल्क पढाउने योजना अगाडि सारेको छ।
द गार्डियनका अनुसार विज्ञहरुको सुझाव अनुसार भिक्टोरिया राज्यले १० हजारभन्दा बढी विद्यार्थीलाई निःशुल्क नर्सिङ पढाउने भएको हो।
राज्यको योजनाअनुसार नर्सिङ पढ्न चाहने विद्यार्थीलाई छात्रवृत्ति प्रदान गरिनेछ र उनीहरुको अध्ययन ऋण चुक्ता गरिनेछ।
कोरोना महामारीपछि अस्ट्रेलियाका प्राय सबै राज्यमा नर्सहरुको अभाव देखिएपछि भिक्टोरिया राज्यले स्वास्थ्य क्षेत्रमा देखा पर्नसक्ने जटिलतालाई मध्यनजर गर्दै २ सय ७० मिलियन डलरको योजना सार्वजनिक गरेको छ। जहाँ विद्यार्थीको अध्ययन लोन चुक्ता गरिने र छात्रवृत्ति प्रदन गरिने विषय उल्लेख छ।
यसरी भिक्टोरिया राज्यमा नर्स पढ्न चाहनेले निःशुल्क अध्ययन गर्न पाउनेछन्।
