नेपाली कांग्रेसको नेता गुरूराज घिमिरेले प्रधानमन्त्री पुष्पकमल दाहाल प्रचण्डलाई तपाईंलाई सत्ता सुखका लागि जिताएको कि जनताको जीवनलाई सहज बनाउन ? भन्दै प्रश्न गरेका छन् । नेता घिमिरेले बुधबार सामाजिक सञ्जाल ट्वीटरमा लेख्दै यस्तो प्रश्न उठाएका हुन् ।
‘प्रमज्यू,भाष्य र संस्कार त समाजका अगुवाले बनाउने र बसाउने हैन र ?,’ घिमिरेले लेखेका छन्, ‘समुन्द्र मन्थनबाट निस्केको बिष शिवजी आफैंले पिएर संसारलाई बचाएको कथा हामीसँग छ । तपाईंलाई चुनाव जिताएको सत्ता सुखका लागि हो कि जनताको जीवनलाई सहज र सुखद बनाउन हो ?’
उनले जनताले भाषणबाहेक केही पनि पाउन नसकेको भन्दै गुनासो गरेका छन् ।
