काठमाडौँ महानगरका मेयर बालेन शाहले धरानका मेयर हर्क साम्पाङ राईलाई आकाश भैरवको प्रतिमा उपहार दिएका छन् ।
शुक्रबार धरान उत्सवको उद्घाटनमा धरान पुगेका मेयर शाहले आकाश भैरवको उपहार दिएका हुन् ।
कार्यक्रममा मेयर शाहले धरान उपमहानगरपालिको प्रशंसा समेत गरे । धरानको श्रम संस्कृति अनुकरणीय भएको उनले बताएका छन् ।
यसअघि पटक-पटक सामाजिक सञ्जालमा दुई मेयरबीच भनाभन हुने गरे पनि यस कार्यक्रममा भने सुमधुर सम्बन्ध देखिएको छ ।
