राजविराज । अविरल वर्षाका कारण सप्तकोशी नदीमा पानीको बहाव उच्च भएसँगै खतराको स्तर पार गरेको छ ।
पछिल्लो मापनअनुसार सप्तकोसी ब्यारेजमा २ लाख ७ हजार ७ सय १५ क्युसेक पानी प्रति सेकेन्ड रहेको जिल्ला प्रहरी कार्यालय सप्तरीका प्रहरी निरीक्षक सन्तोषकुमार खड्काले जानकारी दिए ।
खड्काका अनुसार ब्यारेजका ५६ मध्ये ३८ ढोका खोलिएको छ । सप्तकोसीमा पानीको बहाव खतराको स्तर पार गरेसँगै तटीय क्षेत्रका सर्वसाधारणलाई सर्तकता अपनाउन आाग्रह गरिएको छ ।
कोसीमा पानीको बहाव बढदै गएपछि हनुमाननगर कंकालिनी नगरपालिकाका विभिन्न भागमा जोखिम बढेको नगरप्रमुख शैलेशकुमार साहले बताए ।
