लुम्बिनी प्रदेशका मुख्यमन्त्री पोखरेलले दिए राजीनामा

  • प्रकाशित मिति : 2021-05-02
  • nepaltale.com

काठमाडौं। लुम्बिनी प्रदेश मुख्यमन्त्री शंकर पोखरेलले पदबाट राजीनामा दिएका छन्। प्रदेशमा नयाँ सरकार बनाउने मार्ग प्रशस्त गर्न राजीनामा दिएका हुन्।

पोखरेलले लुम्बिनी प्रदेश प्रमुख धर्मनाथप्रसाद यादव समक्ष आइतबार राजीनामा पेश गरेको प्रदेश प्रमुख कार्यालय स्रोतले बताएको छ। प्रदेश सरकार गठन हुँदाको अहिलेको कानूनी परिस्थिती फरक भएकोले नयाँ सरकार गठन गर्न मार्ग प्रशस्त गर्ने उद्देश्यले पोखरेलले राजीनामा दिएको बताइएको छ।



मुख्यमन्त्री शंकर पोखरेलविरूद्ध नेपाली कांग्रेस, नेकपा माओवादी केन्द्रलगायतका दलहरुले पेश गरेको अविश्वास प्रस्तावमा प्रदेश सभामा आजबाट छलफल सुरू हुँदै थियो।

८१ सदस्यिय प्रदेश सभामा एमालेको एकल बहुमत (४१ सिट) भएकोले अब पुन शंकर पोखरेल नै मुख्य मन्त्रीमा नियुक्त हुनेछन । उनले नियुक्त भएको मितिले ३० दिन भित्र बिश्वासको मत लिईसक्नुपर्ने छ ।