काठमाडौं । नेकपा माओवादी केन्द्रले आज सरकारलाई दिएको समर्थन फिर्ताको पत्र संसद सचिवालयमा बुझाउँदैछ ।
हिजो बसेको स्थायी कमिटी बैठकले गरेको निर्णयअनुसार आज समर्थन फिर्ताको पत्र बुझाउन लागिएको हो ।
आज समर्थन फिर्ताको पत्र बुझाउन संसद सचिवालयमा जाने तयारीमा रहेको माओवादीका नेता लिलामणि पोखरेलले जानकारी दिएका छन ।
संसद विघटन गर्ने प्रधानमन्त्री केपी शर्मा ओलीको निर्णय लगत्तै नेकपा माओवादी केन्द्र सरकारबाट बाहिरिएको थियो । तर सरकारलाई दिएको समर्थन भने कायमै राखेको थियो ।
