फिदिम । राष्ट्रपति रामचन्द्र पौडेलले पाँचथर अध्यात्मिक महोत्सवको उद्घाटन गर्ने भएका छन् । पाँचथर बहुमुखी क्याम्पसले आयोजना गर्न लागेको श्रीमद्भागवत महापुराण सप्ताह ज्ञान तथा बहुधार्मिक आध्यात्मिक महोत्सवको उद्घाटन राष्ट्रपति पौडेलको बाहुलिबाट गर्ने निश्चित भएको हो ।
फागुन २ गते दिनको २ बजे क्याम्पसको प्राङ्गणमा महोत्सवको उद्घाटन गर्ने कार्यतालिका तय भएको क्याम्पस प्रमुख खेमनाथ खतिवडाले जानकारी दिए ।
‘महामहिम राष्ट्रपति ज्युको बाहुलिबाट महोत्सवको उदघाटन गर्ने निश्चित भएको छ,’ खतिवडाले भने ‘सोही बमोजिम तयारी गरिएको छ ।’ उद्घाटन गर्नुपूर्व फिदिम बजारमा कलश शोभाायात्रा गर्ने तयारी छ । महोत्सबको अवसरमा हिन्दु, बौद्ध र बुद्ध धर्मको प्रबचन एउटै मञ्चबाट गर्ने तयारी छ ।
