पोर्चुगलका कप्तान क्रिस्टियानो रोनाल्डोले फिफा विश्वकप २०२६ मा नयाँ इतिहास रचेका छन्।
उज्बेकिस्तानविरुद्धको खेलमा गोल गर्दै उनी लगातार ६ वटा विश्वकपमा गोल गर्ने पहिलो पुरुष खेलाडी बनेका हुन्।
विश्वकप २०२६ अन्तर्गत समूह ‘के’ को खेलमा रोनाल्डोले छैटौं मिनेटमै गोल गर्दै पोर्चुगललाई अग्रता दिलाएका थिए। यससँगै उनले सन् २००६ देखि २०२६ सम्म लगातार छ वटा विश्वकपमा गोल गर्ने दुर्लभ कीर्तिमान आफ्नो नाममा लेखाएका छन्।
यसअघि समूह चरणको पहिलो खेलमा डेमोक्रेटिक रिपब्लिक अफ कंगोविरुद्ध गोल गर्न असफल भएका रोनाल्डोले उज्बेकिस्तानविरुद्ध निर्णायक सुरुवात गर्दै आफ्नो रेकर्ड पुनः स्थापित गरेका हुन्।
पोर्चुगलले खेलमा अग्रता कायम राख्दै समूह चरणमा आफ्नो स्थिति थप बलियो बनाइरहेको छ।
