पाँचथरको हिलिहाङ- ७ सल्लेरीमा आइतबार जीप दुर्घटना हुँदा दुर्घटनामा १४ जना घाइते छन्।
ताप्लेजुङ बाट झापाको बिर्तामोडतर्फ जाँदै गरेको मे१ज १९४७ नम्बरको जीप अनियन्त्रित भई सडकबाट करीब ५० मिटर तल खसेको हो।
दुर्घटनामा सवारी चालक सहित १४ जना घाइते भएको जिल्ला प्रहरी कार्यालय पाँचथरले जनाएको छ ।
घाइतेहरुको जिल्ला अस्पताल पाँचथरमा उपचार भइरहेको जिल्ला प्रहरी कार्यालय पाँचथरका सूचना अधिकारी प्रहरी निरिक्षक सुमित कुशवाहले जानकारी दिए ।
घाइतेमध्ये ६ जनालाई थप उपचारका लागि झापा लगिएको जिल्ला प्रहरी कार्यालय, पाँचथरले जनाएको छ।
