लन्डन । बेलायतमा उत्तर गुरुङ, जीवनारायण बेल्वासे र प्रतिक्षा गुरुङ काउन्सिलर निर्वाचित हुनुभएको छ ।
शुक्रबार सार्वजनिक मत परिणाम अनुसार भूतपूर्व ब्रिटिश गोर्खा उत्तर गुरुङ ५५१ मत प्राप्त गरी अल्डरसटको वेलिङटन वार्डमा लेबर पार्टीबाट काउन्सिलर निर्वाचित हुनुभएको हो ।
यस्तै कन्जरभेटिभ पार्टीका जीवनारायण बेल्वासे ८ सय ९१ मतसहित म्यानर पार्क वार्डमा काउन्सिलर विजयी हुनुभयो ।
रेडिङको ब्याटल वार्डमा लेबर पार्टीबाट प्रतिक्षा गुरुङ १ हजार १ सय ८० मत प्राप्त गरी काउन्सिलर निर्वाचित हुनुभएको छ । बेलायतमा बिहीबार स्थानीय निर्वाचन भएको थियो ।
