‘ग्रे लिस्ट’बाट बाहिरिन सरकारको तयारी तीव्र, सचिवलाई समयमै काम सक्न निर्देशन

फाइनान्सियल एक्सन टास्क फोर्स (एफएटीएफ) को ‘ग्रे लिस्ट’बाट नेपाललाई बाहिर निकाल्न सरकारले समयबद्ध र प्रभावकारी रूपमा काम गर्न सचिवहरूलाई निर्देशन दिएको छ। मुख्यसचिव गोविन्दबहादुर कार्कीको अध्यक्षतामा मंगलबार बसेको सचिवहरुकाे बैठकले एफएटीएफको ‘ग्रे लिस्ट’बाट बाहिरिने कार्ययोजनाको समीक्षा गर्दै सबै मन्त्रालय तथा निकायलाई तोकिएका काम प्रभावकारी रूपमा कार्यान्वयन गर्न निर्देशन दिएको हो। प्रधानमन्त्री तथा मन्त्रिपरिषद्को कार्यालयले कार्ययोजनाको नियमित अनुगमन गर्ने र सम्बन्धित मन्त्रालय तथा निकायले प्रगति विवरण उपलब्ध गराउनुपर्ने निर्णय बैठकले गरेको छ।...